La Fleur de tovtes les plus belles chansons qvi se chantent maintenant en France

tout novvellement faites & recueillies
A Paris l'an M.DC.XIV.

Dessus l'herbe fleurie, Dedans un verd boquet, Robinet & Marie Se faysoyent un bouquet, Et autre chose & tout Que je n'ose dire, dire, dire, Et autre chose & tout Je ne vous veux pas dire tout. En la faisant la belle Regardait son berger, O berger, ce dit elle, Donne moy un baiser, Et autre chose, &c. Il la prend & la baise, La coucha sur le thym, Et puis tout à son aise Luy tastoit son tetin Et autre chose, &c. Cà & là il furette De l'une & l'autre main, Mainte belle fleurette Il la met dans le sein, Et autre chose, &c. Il luy trousse sa robbe, Mettant sa main dessous, Et comme un qui derosbe, Luy tastoit les genoux, Et autre chose & tout Que je n'ose dire, dire, dire, Et autre chose & tout Je ne vous dirai pas mes huy tout.