Airs de Cour

comprenans le tresor des tresors,
la fleur des fleurs & eslite des Chansons amoureuses.
extraictes des oeuvres non encor cy devant mises en lumière,
des plus fameux & renommez Poëtes de ce siècle.
A Poictiers par Pierre Brossart. M.DCVII.

La belle s'en va au moulin, Dessus son asne baudouin(1) Pour gaigner sa mouture. Lanfrin, lanfra, la mirligaudichon, La dondaine la don don, Pour gaigner sa mouture, A l'ombre d'un buisson. Quand le meusnier la vit venir, De rire ne se peut tenir, Voicy la femme a l'Asne, Lanfrin, lanfra, &c. Meusnier me moudras tu mon grain, Ouy Madame je le veux bien Vous moudrez la premiere, Lanfrin, lanfra, &c. Tandis que le moulin mouloit, Le meusnier la belle saisoit, Et le loup mengeoit l'Asne, Lanfrin, lanfra, &c. Helas ! dit elle beau meusnier, Que maudit en soit le mestier, Le Loup a mangé l'Asne, Lanfrin, lanfra, &c. En ma bourse j'ay de l'argent, Prenes deux escus tout contant, Acheptez un autre asne, Lanfrin, lanfra, &c. La belle s'en va au marché, Pour la un autre asne achepter, Achepta une asnesse, Lanfrin, lanfra, &c. Quand son mary la vit venir, De crier ne se peut tenir Ce n'est pas nostre asne, Lanfrin, lanfra, &c. Voicy le joly mois de May, Que toutes bestes changent de poil, Aussi a faict nostre asne, Lanfrin, lanfra, la mirligaudichon, La dondaine la don don, Pour gaigner sa mouture, A l'ombre d'un buisson. (1) Baudouin = nom de l'âne dans "Le testament de l'âne" de Ruteboeuf; a donné par la suite "baudet".