Airs de Cour

comprenans le tresor des tresors,
la fleur des fleurs & eslite des Chansons amoureuses.
extraictes des oeuvres non encor cy devant mises en lumière,
des plus fameux & renommez Poëtes de ce siècle.
A Poictiers par Pierre Brossart. M.DCVII.

Un jour Madame Perette Me mena dans son jardin Me donna par amourette Un bouquet de Roumarin Et autre chose & tout Que je n'ose dire, dire, dire, Et autre chose & tout Je ne vous diray meshuy(1) tout. Je luy dis bas en l'aureille Ma douce amye baisez moy, Baisez moy à la pareille, J'en ay besoin par ma foy. Et autre chose, &c. Point ne fit de la mauvaise, Je la jetay à l'envers Puis je l'accolle, & la baise Vy ses genoux descouverts, Et autre chose, &c. Ainsi comme pourrez croire Cela me mist en chaleur Et me vint une collere Qui me fist enfler le cœur. Et autre chose, &c. Je commençay à combattre La pauvrette se rendit Deux fois, voire quatre, Puis l'aleine me faillit. Et autre chose, &c. Elle fouille en sa boursette D'un escu me fit present Grand mercy vous dy Perrette Grand mercy de votre argent. Et autre chose, &c. Beuvez un peu ce (dit-elle) Pour vous remettre en vigueur Je responds, Madamoiselle Le vin me fait mal au cœur. Et autre chose, &c. Devisons un peu ce (dit-elle) Me voulez-vous jà laisser ? Par ma foy Madamoiselle Je suis las de deviser. Et autre chose, &c. Et demain au matin Je reviendray rire, rire, Et demain au matin Je reviendray au jardin Et autre chose & tout Je ne vous diray meshuy tout. (1) meshuy = pas maintenant, bientôt