Airs de Cour
comprenans le tresor des tresors,
la fleur des fleurs & eslite des Chansons amoureuses.
extraictes des oeuvres non encor cy devant mises en lumière,
des plus fameux & renommez Poëtes de ce siècle.
A Poictiers par Pierre Brossart. M.DCVII.
 |
 |
 |
|
Mon pere m'a donnee A un jeune Advocat La première nuitee Qu'avec moy, il coucha la, la, Courage, courage, ma fille, Non, tu rien mourras pas. La première nuitée Qu'avec moy il coucha, Il me vint sans parler Frapper de son malelats. Courage, courage, &c. Il me vint sans parler Frapper de son malelats. Je me prins(1) à crier Venez à mon trespas Courage, courage, &c. Je me prins à crier Venez à mon trespas Ma mère oyant(2) ma plainte Vint qui me consola Courage, courage, &c. Ma mère oyant ma plainte Vint qui me consola Me disant n'ayez crainte Non, tu n'en mourras pas. Courage, courage, &c. Me disant n'ayez crainte Non, tu n'en mourras pas. Car j'estois de ta sorte Quand l'on me fit cela. Courage, courage, &c. Car j'estois de ta sorte Quand l'on me fit cela. Et si j'en fusse morte Tu ne serois pas là. Courage, courage, &c. Et si j'en fusse morte Tu ne serois pas là. Au fort(3) si tu y meurs Enterree tu seras. Courage, courage, &c. Au fort si tu y meurs Enterree tu seras. Et avec force pleurs, Las ! on te portera. Et avec force pleurs, Las ! on te portera. Au plus haut de la ville Ton sepulchre(4) sera. Au plus haut de la ville Ton sepulchre sera. Et par un homme habille, Ces mots l'on gravera. Courage, courage, &c. Et par un homme habille, Ces mots l'on gravera. Cy git la jeune fille Qui mourut de cela. Courage, courage, &c. Cy git la jeune fille Qui mourut de cela. Cà esté la premiere La derniere sera. Courage, courage, ma fille, Non, tu n'en mourras pas.
|