La Fleur de tovtes les plus belles chansons qvi se chantent maintenant en France

tout novvellement faites & recueillies
A Paris l'an M.DC.XIV.

La belle s'en va au moulin, Dessus son asne Baudouin, Pour gaigner la moulure Lanfrin, lanfra, la mere Gaudichon La dondaine la don don, Pour gaigner la moulure A l'ombre d'un buisson. Quand le musnier la vit venir, De rire ne se peut tenir, Voicy la femme à l'asne Lanfin, lanfra.&c. Musnier ma moudras tu mon grain ? Ouy Madame je le veux bien, Vous moudrez la premiere, Lanfin, lanfra.&c. Tandisque le moulin mouloit, Le musnier la belle baisoit, Et le loup mangeoit l'asne. Lanfin, lanfra.&c. Helas, dit elle, beau musnier, Que maudit en soit le mestier, Le loup a mangé l'asne. Lanfin, lanfra.&c. En ma bourse y a trois testons, Prenez en deux, laissez en un, Achetez un autre asne, Lanfin, lanfra.&c. La belle s'en va au marché, Pour là un autre asne acheter, Acheta une asnesse. Lanfin, lanfra.&c. Quand son mary la vit venir, De crier ne peut se tenir, Ce n'est pas là nostre asne. Lanfin, lanfra.&c. Mary tu as beu du vin nouveau, Qui t'a fait troubler le cerveau, As mescogneu nostre asne, Lanfin, lanfra.&c. Voicy le joly mois de May, Que toutes bestes changent de poil, Aussi a fait nostre asne, Lanfrin, lanfra, la mere Gaudichon La dondaine la don don, Aussi a fait nostre asne A l'ombre d'un buisson.