La Fleur de la Poesie Francoyse

Recueil joyeux contenant plusieurs Huitains, Dixains, Quatrains, Chansons &
aultres dictez de diuerses matières mis en notes musicalles
par plusieurs autheurs & reduictz ence petit livre.
1543
On les vend à Paris en la rue neufve nostre Dame
à l'enseigne de l'escu de France, par Alain lotrian.

Il estoit une fillette Qui vouloit scavoir le jeu d'amours Ung jour qu'elle estoit seullette Je luy en apris deux ou trois tours Apres avoir senty le goust Elle me dict en soubriant Le premier coup me semble lourd, Mais la fin me semble friant, Je luy dy vous me tentez El' me dict recommencez Je l'empoigne, je l'embrasse, Je la fringue fort, Elle crie ne cessez, Je luy dy vous me gastez Laissez moy petite garse Vous avez grand tort, Mais quand ce vint à sentir le doulx point Vous l'eussiez veu mouvoir si doulcement Que son las cueur en tremble fort & poingt, Mais dieu mercy c'estoit un doulx tourment.