Le recueil des plus belles et excellentes chansons en forme de voix de ville,

tirees de divers autheurs & Poëtes François, tant anciens que modernes.
Ausquelles a été nouvellement adapté la Musique de leur chant commun, à fin que chacun les puisse chanter en tout endroit qu'il se trouvera, tant de voix que sur les instruments.
Par Jehan Chardavoine de Beau-fort en Anjou A Paris chez Claude Micard, au clos Bruneau, à l'enseigne de la Chaire 1576

Un jour Madame Perette Me mena dans son jardin Me donna par amourette Un bouquet de Romarin Et autre chose & tout Que je n’ose dire, dire, dire, Et autre chose & tout Je ne vous diray meshui(1) tout. Je luy dis bas en l’aureille Ma douce amie baisez moy, Baisez moy à la pareille J’en ay besoing par ma foy. Et autre chose & tout. Point ne feit de la mauvaise Je la jetay à l’anvers Je l’accolle je la baise Vy ses genoux descouverts Et autre chose & tout. Ainsi comme pouvez croire Cela me mist en chaleur Et me vint une collere Qui me fist enfler le cœur. Et autre chose & tout. Je commençay à combattre La pauvrette se rendit Deux fois trois fois voire quatre, Puis l’aleine me faillit. Et autre chose & tout. Elle fouillist en sa boursette D’un escu me fist present Grand mercy Mademoyselle Grand mercy de vostre argent. Et d'autre chose & tout. Beuvez un peu ce dict elle Pour vous mettre en vigueur Je responds madamoyselle Le vin me fait mal au cœur Et autre chose & tout. Devisons un peu ce dict elle Me voulez-vous ja laisser Par ma foy madamoyselle Je suis las de deviser. Et autre chose & tout. Et demain au matin Je reviendray rire, Et demain au matin Je reviendray au jardin Et autre chose & tout. (1) mes hui = pas maintenant, bientôt